Tjaldbilar (autocamparar), ið upprunaliga eru verksmiðjuframleiddir sum tjaldbilar, eru undantiknir virðisavgjaldi.
Tjaldbilar eru ikki undantiknir CO2-avgjald, og má CO2 útlátið tí framganga í coc- skjalinum ella í útlendska skrásetingarskjalinum,um teir skulu kunna skrásetast í Føroyum.
Uppbygdir tjaldbilar, ið upprunaliga ikki eru verksmiðjuframleiddir sum tjaldbilar, skulu lúka hesar treytir fyri at verða undantiknir virðisavgjaldi:
- eginvektin skal vera oman fyri 2.500 kg,
- hæddin í tjaldkabinuni skal vera í minsta lagi 170 cm,
- innrættaður sum tjaldbilur, við fast uppsettum køki,
- møguleika at reiða upp til í minsta lagi 4 verulig sovipláss,
- tað skal ikki vera neyðugt, at taka burtur ella flyta bilsetur fyri at nýta køkin.