Innflutt brúkt motorakfør

Lýsing - § 6

Grundarlagið fyri at rokna avgjaldið á innfluttu motorakførunum er virðið á viðkomandi akfari, íroknað alla útgerð, sum tað hevði, tá tað kom spildurnýtt frá verksmiðjuni, ella við øðrum orðum, tað CIF-virðið, sum motorakfarið hevði havt, um tað í síni tíð hevði komið spildurnýtt frá verksmiðjuni um føroyskan kaikant.

Skjalprógv - § 22

Bilasøla, innflytari ella eigari hava skyldu at útvega Akstovuni skjalprógv fyri upprunavirðinum uppá skrokknummar frá framleiðara ella einum av framleiðaranum góðkendum umboði. Upprunavirðið skal gerast upp grundað á listaprís uttan avgjøld.


Sum skjalprógv fyri uppruna virðinum á viðkomandi akfari, verður góðtikið
 

• uppruna fakturi fyri ítøkiliga motorakfarið uppá skrokknummar frá framleiðara ella,
• upprunavirðið uppá skrokknummar fyri motorakfarið, grundað á listapris uttan avgjøld, og við allari eykaútgerð, frá einum av framleiðaranum góðkendum umboði

Afturat uppruna virðinum verða lagdir flutningskostnaðir til Føroya, fyri at finna CIF-virðið.

Tey av framleiðaranum góðkendu umboð eru, søluumboð sum hava sáttmála við framleiðaran ella høvuðsumboð av viðkomandi merki, ella góðkendur serviceverkstaður sum hevur garanti- og serviceskyldur fyri viðkomandi merki mótvegis framleiðaranum ella einum av framleiðaranum góðkendum høvuðsumboði.

Akstovan kann móti gjaldi á 3.000 kr. útvega skjalprógv fyri upprunavirðinum uppá skrokknummar, frá einum av framleiðaranum góðkendum umboði ella frá framleiðara, um tað er møguligt.

Akstovan kann í serligum førum gera eina meting av upprunavirðinum.
 

Harafturat skulu hesi skjøl fyriliggja:
 

• fráboðan til sýn / skráseting
• uppruna útlendskt skrásetingarskjal (eigarapartur og tekniskur partur)
• avrit av faktura frá útlendskum seljara til føroyskan innflytara
• farmabræv – avrit fyri ítøkiliga akfarið, við upplýsing um WayBill nr.
• tollkvittan íroknað inngangandi MVG